ක්ෂණිකව වෙනස් වීමේ රංගනය | Quick change act

මැජික් ශිල්පය Stage magic, Parlor magic, Street magic, Close-up magic, Children's magic, Escapology, Pickpocket, Mentalism,... ලෙස කොටස් වලට බෙදා ගෙන ගියහොත්; වේදිකාවේ කරන රංගන(Stage magic) නම් කාණ්ඩයට අයත් ඉතාමත් මනබඳිනා රංගනයක් ලෙස ක්ෂණිකව වෙනස් වීමේ රංගනය(Quick change act) හැඳින්විය හැක.
මා දුටු හා මා සිත් ගත් හොඳම වීඩියෝ තුනක් මෙසේ පෙළගස්වමි. මේ රංගනයන් මගේ සිතේ ආශ්චර්ය ඇති කලා සේ ඔබට ද නැවුම් අත්දැකීමක් ගෙන එනු ඇතැයි විශ්වාස කරමි.

බුලත් ගැන සියල්ල | All about the Betel

කාලෙකින් මංතලාවට අලුත් ලිපියක් එක් කිරීමට නොහැකි වූයේ වැඩ අධික වීම නිසාවෙනි. පසුගිය දිනයකදී එනම් ඔක්තෝබර් 6 වැනි දිනට ලෝක ගුරු දිනය යෙදී තිබිනි. දිවයිනේ සියලු පාසල් වල පාහේ ගුරුවරුන්ට උපහාර දැක්වීමට උත්සව සූදානම් කර තිබිනි. අප පාසලේද(මංතලාව ලියන මම ගණිත ගුරුවරයෙක්මි) ඉතා අනර්ග ගුරු උපහාර උළෙලක් දරුවන් විසින් සංවිධානය කොට තිබිනි. උදෑසනම සියලුම දරුවන් පාහේ ගුරුවරුන් හට බුලත් අතක් දී වැඳ ගෞරව දක්වන ලදී. ඉතින් දරුවන් අත තිබූ බුලත් අත් දුටු මා, මෙතෙක් මංතලාවේ බුලත් නොතිබූ අඩුව මෙසේ පුරවමි.

පිළිගන්වන විට බුලත් අත, කටේදී බුලත් විට, ඉනේදී බුලත් පයිය, ගෙදරදී බුලත් හෙප්පුව, මඟුලකදී බුලත් තට්ටුව, අවමඟුලකදී ඉලත්තට්ටුව, ගමනක් යන විට බුලත් මඩිස්සලය, ආගමික කටයුතු වලදී දැහැත් වට්ටිය, දේවාලයේදී දළු මුර, කුඹුරේදී බුලත් පෙට්ටිය, කාන්තාවන් ලඟදී බුලත් හැඹිලිය ආදී වශයෙන් බුලත විවිධාකාරයෙන් ජන ජීවිතය හා බැඳී පවතී.

පුබුදු මනෝජ් ජයවර්ධන (පුබ්බා) | Pubudu Manoj Jayawardena (pubba)

ඔහු මට පුබ්බා විය. මම ඔහුට නුවා විය. ආත්ම ගානක සිට ඇති වී තිබූ බැඳීමක් නිසාදෝ අප හමුවී නොබෝ කලක් යාමට මත්තෙන් අපි හොඳම යහලුවන් වුනෙමු. සහෝදරයන් වුනෙමු.

ඉතින් පුබ්බා මේ ජිවිතයෙන් සමුගෙන අදට අවුරුද්දක් සම්පුර්ණ වූවත් ඒ ඇති වූ බැඳීම නම් සදා වෙනස් නොවී පවතින්නකි. ඔබ අපට දැක්වූ ආදරය කිසිදා අපේ මතකයෙන් දුරස් වන්නක් නොවේ. අප සියලු දෙනාගේ හදවතෙහි නුඹ අයිති කර ගත් ඉඩ සදා නුඹටම හිමි වූවකි.

ඉතින් ඔබට නිවන් සුව පතමි පුබ්බා!

සිටිනා තැනක සතුටින්, කිසිදු කරදරයක් නැතිව සිටිත්වා!

අප සමු නොගත්තෙමු
ඔබ කොහේ හිටියත්
මගේ හදවත තුල සිටිනු ඇත...

ගූගල් යනු කුමක්ද? | What is a googol?

හොඳයි හැමෝම Google යන වචනය අසා ඇති. නමුත් Googol යන වචනය අසා තිබේද?

Googol යනු ගණිතයේදී භාවිතා වන වචනයකි. 10 හි 100 වන බලය Googol යන වචනයෙන් ප්‍රකාශ වේ. එනම් 1ට පසු අගට බිංදු 100ක් ලිවූ විට ලැබෙන සංඛ්‍යාව ගූගල්(Googol ) නම් වේ. විශේෂත්වය නම් මෙම Googol වචනය ලෝකයට බිහි කරන්නේ 1938 දී 9 හැවිරිදි මිල්ටන්(Milton Sirotta) නම් කුඩා දරුවෙකු වීමයි.

ඒම්ස් කාමරය(දෘෂ්‍ය මායා) | Ames Room(Optical Illusion)

අක්ෂි විද්‍යාඥයෙකු වූ ඇල්බර්ට් ඒම්ස්(Ophthalmologist - Adelbert Ames) විසින් 1934දී ඒම්ස් කාමරය(Ames room) නම් දෘෂ්‍ය මායාව නිර්මාණය කරන ලදී. මිනිසාගේ ඇසින් දැක මොළය වෙත පැමිනෙන රූප අපව රවටන ආකාරය මෙමගින් නිරූපණය කිරීමට උත්සහ කර ඇත.

මම මීට පෙරද ඉතා අනර්ග දෘෂ්‍ය මායා කිහිපයක් පිළිබඳ සටහනක් ලිව්වා ඔබට මතක ඇති. යම් හෙයකින් ඒවා මග ඇරුනා නම් පහත ලින්ක් වලට යාමෙන් ඒවා නරඹන මෙන් ඉල්ලා සිටිමි.

1. අහසේ පාවෙන බෝට්ටුවක්
2. ඉතා අනර්ග දෘෂ්‍ය මායා කිහිපයක් 
3. ලෝකයේ හොඳම ත්‍රිමාන දෘෂ්‍ය මායා

ග්‍රිගොරි රස්පියුටින් හෙවත් පිස්සු පූජකයා(1 කොටස) | Grigori Rasputin - The Mad Monk (part 1)

මෙය කලකට ඉහත රුසියාවේ සිදු වූ සත්‍ය සිදුවීමකි.

ඔහු හැඩි දැඩි ශක්තිවන්ත පුද්ගලයෙකි. දීප්තිමත් තියුණු ඇස් යුගලක් ඇත්තෙකි. ඔහුගේ බැල්ම මායාකාරී ගුප්ත බවකින් යුක්ත විය. එකල රුසියානු රාජකීය පවුලට උපදේශකයෙකු, අනාවැකි පැවසූවෙකු මෙන්ම අධ්‍යාත්මක බලයෙන් ලෙඩ සුව කරන්නෙකු ලෙස සේවය කර ඇත. කාන්තාවන් අතර ආදරය හා ගෞරවයට පාත්‍ර වූවෙකි. පසු කලකදී මුලු ලෝකයේම ප්‍රසිද්ධියට පත් වන ඔහු උපත ලබන්නේ 1869 ජනවාරි 21 දින රුසියාවේ පිහිටි කුඩා ගමකය. මේ පිස්සු පූජකයා(The Mad Monk) හෙවත් රස්පියුටින්(Rasputin) ගේ කතාවයි.

Celebrating "100 likes" on Facebook!!!

Celebrating "100 likes" on Facebook!!!

Thank You My Lovely Friends!!!

ගැට කපන්නන්ගෙන් බේරී සිටීමට සරල ක්‍රමයක් | Simple way to prevent being pickpocketed

පාරක බසයක කෝච්චියක ගමනක් යන විට, කොයි මොහොතක හෝ තමා ගැට කපන්නන් නැතහොත් පික්පොකට් කරුවන්ගේ ගොදුරක් බවට පත් වේ යැයි බියෙන් හා සැකයෙන් මා මෙන්ම ඔබත් සිටිනවා විය හැක. තමා මහන්සියෙන් උපයා ගන්නා ධනය තමාටත් නොදැනීම පික්පොකට් කරුවෙකු අතට යාම කිසිසේත්ම නොවිය යුත්තකි. ඉතින් මේ සටහන තමාගේ මුදල් පසුම්බිය(wallet/purse) රැක ගැනීමට කල හැකි සරල දෑ කිහිපයක් පිලිබඳව ය.

ශ්‍රී ලංකාවේ මකරා | Sri Lankan Dragon

මකරා නම් සත්වයෙක් ලෝකයේ විවිධ රටවල විවිධ ආකාර හා ස්වරූප වලින් ජීවත් වී ඇත. හොඳයි මෙහෙම කියන්නම්කෝ, මකරා නම් මනඃකල්පිත සත්වයෙකු අතීතයේ විසූ සිත්තරුන්, කතා කරුවන්, මූර්ති හා කැටයම් ශිල්පීන් අතින් ඉතාමත් අනර්ග නිර්මාණයක් ලෙස ලොවට බිහි වුනි.

මාගේ "නොම්බර 9" ලිපියේ මකරා ගැන කුඩා සඳහනක් කලා ඔබට මතක ඇති. "නොම්බර 9" ඔබට මග ඇරුනා නම් මේ ලින්ක් එකට ගොස් කියවන්න. http://manthalawa.blogspot.com/2013/09/9-amazing-number-9.html

මම දන්නා මකරුන් දෙදෙනෙකු සිටියි. එකකු නම් හන්දියක් හන්දියක් පාසා හතු පිපෙන්නා සේ බිහිවන චයිනීස් ඩ්‍රැගන් නම් ආපනශාලා මකරාය. අනෙකා නම්, කුඩා කල මගේ සිතේ කුතුහලය හා ආශ්චර්යය මැවීමට සමත් වූ පන්සලේ මකර තොරණේ සිටි ඒ පුදුමාකාර සත්වයාය. මේ සටහන චයිනීස් ඩ්‍රැගන් ගැන නොව, ලන්කන් ඩ්‍රැගන් ගැනය.

පුදුමාකාර නොම්බර 9 | The amazing number 9

මේ මාගේ නම වැනි බ්ලොග් ලිපියයි. ඉතින් පුදුමාකාර නවය(number 9) පිළිබඳ කරුණු කිහිපයක් මෙසේ ඔබ හා බෙදා ගැනීමට සිත් විය.
නවය(9) යන ඉලක්කම කෙරෙහි අපට ඇත්තේ බියකි. එය අවාසනාවේ සංඛේතයක් ලෙස අප රටෙහි බොහෝ දෙනා අතර මුල් බැස ගත් මතයයි. කෙසේ නමුත් නවය සම්බන්ධව කරුණු සොයා යාමෙදී මට හමුවු කරුණු කිහිපයක් මෙසේ ය.

වීදි කුල්මත් කරන්නන් | Street performers

පාරක, කෝච්චියක හෝ බස් රථයක තම හැකියාව පෙන්වා කාසි කිහිපයක් එකතු කරගෙන පවුලක් පවා නඩත්තු කරමින් ජීවිතය ගැට ගසා ගන්නා ඒ සුන්දර මිනිසුන් කෙරෙහි කුඩාවියේ සිටම මට ඇත්තේ අසීමිත සෙනහසක් හා ගෞරවයකි. වීදි කුල්මත් කරන්නන්(street performers) ලෙස හදුන්වන ඔවුන් මම පාරකදී හෝ බසයක දුටුවිට නැවතී ඒව රසවිද මා අත තිබෙන රුපියල් කීයක් හෝ ඔවුන් අත තබා මගේ සෙනෙහස පෑමට අමතක නොකරමි.
ඔවුන් සින්දුවක් කියනවා විය හැක, බටනලා වාදනයක් කරනවා විය හැක, මැජික් එකක් පෙන්නනවා විය හැක, කඩදාසි මෝස්තරයක් කර පෙන්නනවා විය හැක, රබන් පදයකට කවියක් කියනවා විය හැක, කොටින්ම ඔවුන් දන්නා ඕනෑම මගුලක් කර පෙන්වනවා විය හැක; මට එය ප්‍රශ්නයක් නොවේ.  ඔවුන්ගේ ඉදිරිපත් කිරීම හොඳද නරකද යන්නත් මට ප්‍රශ්නයක් නොවේ. ඔවුන් තම හැකියාවෙන් ප්‍රයෝජනයක් ගෙන ජිවිතය ජය ගැනීමට දරන ප්‍රයත්නය අගය කරමි.

ලෝකයේ හොඳම ත්‍රිමාන දෘෂ්‍ය මායාව | World's best 3D optical illusion

හොඳම ත්‍රිමාන දෘෂ්‍ය මායාව කිව්වාට හොඳම ත්‍රිමාන දෘෂ්‍ය මායා කිහිපයක් මෙසේ ඉදිරිපත් කරමි. හේතුව ඒ සියල්ල එකම විදියකට සෑදුනු ඒවා වීමයි. වෙස් මුහුණක කුහරය පැත්තෙන් බැලූ විට හා පිට පැත්තෙන් බැලූ විට අපගේ ඇස හා මනස රැවටෙන ආකාරයෙන් මේවා නිර්මාණය වී ඇත.

මෙම වීඩියෝ පරිගණක භාවිතයෙන් නිර්මාණය කල ඒවා නොවන අතර කැමරා ප්‍රයෝග ද නොවෙන බව ඔබට සහතික වෙමි. තවද ඔබට නිවසේදීම සාදාගත හැකි අපූරු මායාවක් මෙම ලිපියේ අගට සඳහන් කර ඇත.

1. ඇල්බට් අයින්ස්ටයින් ගේ මුහුණ

වාහන තදබදයට විසඳුමක් | Solution for the traffic

ඔබ ශ්‍රී ලංකාවේ ජිවත් වන හෝ වුනු අයෙක් ලෙස වරක් දෙවරක් නොව සෑමදා වාගේ වාහන තදබදය නිසා දුකට හෝ කරදරයට පත්වූ අයෙක් බව නොඅනුමානය. එයට විසඳුමක් ලෙස මෙම ලිපිය මෙසේ ලියා තබන්නෙමි.
ලෝකයේ විවිධ රටවල මෙම ක්‍රමය අත්හදා බලා සාර්ථක ප්‍රතිඵල මේ වන විටත් බුක්ති විඳිමින් සිටී. අප රටේද නිසි බලධාරීන්ගේ නෙත මෙම ලිපිය වෙත යොමු වී අඩුම තරමින් දවසක් හෝ අත්හදා බැලීමට ශක්තිය ලැබේවායි ප්‍රර්ථනා කරමි. මෙය නිවැරදි හෝ එකම විසඳුම ලෙස මම ප්‍රකාශ නොකරන අතර, ලංකාවට මෙය ගැලපේද නැතිද කියාද මම නොදනිමි. නමුත් තදබදය වැඩි මාර්ග one-way කිරීම වාහන තදබදයට ඇති එකම විසඳුම නොවන බව තරයේ විශ්වාස කරමි.

පාවෙන දෘෂ්‍ය මායා(2 කොටස) | Floating Optical Illusions(part 2)

මා පසුගිය පෝස්ට් එකක අහසේ පාවෙන බෝට්ටුවක් නම් දෘෂ්‍ය මායාවක් ඉදිරිපත් කලා ඔබට මතක ඇති. එය නොදුටුවානම් පහත ලින්ක්(link) එකට ගොස් බලන්න.
http://manthalawa.blogspot.com/2013/09/levitating-boat-illusion.html

සරලවම කියනවානම් දෘෂ්‍ය මායාවක්(Optical Illusion) යනු අපගේ ඇසෙන් ග්‍රහනය කර ගන්නා රූප මොලය වෙත ගිය පසු සත්‍ය ට පටහැනි දෙයක් අපගේ සිතේ මවයි. වෙන විදියකින් කියනවා නම් අපගේ ඇස රවටයි.

නිවසේදී සාදපු ලැම්බොගිනිය | Homemade Lamborghini

ලංකාවේ අලුතින් ආරම්හ කල ලැම්බෝගිනි (Lamborghini) ප්‍රදර්ශනාගාරය පිළිබද ආරංචිය ඈසූ මම කොර වුනෙමි. මුහුනු පොතේ තිබූ ඡායාරූප ටිකකුත් දුටුවෙමි. කාර් ටිකනම් පංකාදුයි ඒත් ඉතින් ලංකාවේ පාරවල් වලට ඔවා හරියන්වද? හරියනවත් ඇති සමහරවිට.

කෙසේ වෙතත් අද පෝස්ට් එක ලැම්බොගිනි ප්‍රදර්ශනාගාරය පිළිබද නොව, ලැම්බොගිනියක් ගන්න වත්කමක් නැතුවාට ගෙදර ගරාජයේ සිට තම කාරය ලැම්බොගිනියක් කල නිර්මාණශීලී මිනිසෙකු පිළිබදවයි. මේ අපූරු මිනිසා අපට හමුවන්නේ යුක්‍රේනයෙනි (Ukraine).

අපූරු පාවෙන බෝට්ටුවෙහි මායාව | Levitating Boat Illusion

අහසේ පාවෙන බෝට්ටුවක් ද? බලන්න තව ටිකක් විමසිල්ලෙන්... තේරුම් ගැනීමට හැකි උනාද?

බිංදුවෙහි මූලාරම්භය | The Origin of Zero

මොකක්ද මේ බිංදුව කියන්නෙ? එය ගැන කතා කිරීමට තරම් වටිනවාද? අපගේ මාසික වැටුපෙන් අගට ඇති එක බිංදුවක් ගැලවී නිවසේ විදුලි බිලෙහි අගට එකතු වූවා යැයි සිතන්න. අති භයංකාරයි නේද? ගණිතයෙහි මහත් විප්ලවයක් කල බිංදුව ගැන කෙටි සටහනක් මෙසේ තබමි.

විශේෂ මිනිසෙකුට විශේෂ කාඩ් කුට්ටමක්

මැජික්කරුවන් හා සූදුකරුවන් අතර ඉතා ජනප්‍රිය පොතක් ලෙස S.W. Erdnase  විසින් රචිත  The Expert at the Card Table: The Classic Treatise on Card Manipulation යන පොත හදුන්වයි. කාඩ් කුට්ටම හැසුරුවීම පිලිබද ඔබ දැනගත යුතු සියලු දේ මෙන්ම කාඩ් කුට්ටම භාවිතයෙන් කල හැකි වංචා හා කාඩ් උපක්‍රම/මැජික් පිලිබදව පවා මෙහි විස්තර වේ. 1901 දී ලියවී ඇති මෙය මෙම විෂය සම්බන්දව මෙතෙක් සවිස්තරව ලියවී ඇති මුල්ම හා හොදම පොත ලෙස සැලකේ.

කෙසේ වෙතත් S.W. Erdnase මහතාව හමුවීමට හෝ ලිපියක් ලියා ස්තූති කිරීමට පවා කිසිවෙකුටත් නොහැකි විය. හේතුව නම්